Fota vidavočcaŭ z sajta ABW.BY
Kiroŭca fury na trasie Minsk—Viciebsk nie spraviŭsia z kiravańniem i vyjechaŭ na raździalalnuju pałasu na nierehulavanym piešachodnym pierachodzie kala «Ekspabieła», paviedamili BiełTA ŭ DAI UUS Minabłvykankama.
Kiroŭca-hruzapieravozčyk na polskich numarach nie spraviŭsia z kiravańniem pry vyjeździe z kalcavoj darohi. Jaho vyniesła na raździalalnuju pałasu, dzie znachodzilisia piešachody. Dva piešachody atrymali cialesnyja paškodžańni. Adzin ź ich dastaŭleny ŭ Minskuju abłasnuju kliničnuju balnicu, druhomu akazvajecca dapamoha na miescy.
ABW.BY sa słoŭ vidavočcaŭ piša, što ŭ paciarpiełaj 73-hadovaj žančyny pierałom i źviazanaja ź im traŭma. Druhomu piešachodu (heta mužčyna) raźbiła śviatłaforam tvar.
Pavodle niepravieranaj infarmacyi, kiroŭca pačaŭ ekstranaje tarmažeńnie, bo jaho padrezaŭ lehkavy aŭtamabil. «Viadziecca pravierka. Žyćciu piešachodaŭ ničoha nie pahražaje», — paviedamili ŭ DAI.
