Saviet pa raźvićci ličbavaj ekanomiki stvorany ŭ Biełarusi, paviedamlaje BiełTA.
Asnoŭnymi zadačami savieta źjaŭlajucca vyznačeńnie metaŭ i zadač ličbavaj transfarmacyi nacyjanalnaj ekanomiki; ŭstalavańnie pryjarytetaŭ ŭkaranieńnia ličbavych technałohij dla vytvorčych halin, śfier handlu i pasłuh, sacyjalnaj śfiery z ulikam apošnich dasiahnieńniaŭ u śfiery IT i raźvićcia hłabalnaj ličbavaj prastory; farmiravańnie spryjalnaj pravavoha i rehulatarnaha asiarodździa dla raźvićcia nacyjanalnaj ličbavaj ekanomiki.
Pastanovaj taksama zaćvierdžany skład savieta. Jaho staršynia — premjer-ministr Andrej Kabiakoŭ, namieśnik staršyni savieta — pieršy namieśnik premjer-ministra Vasil Maciušeŭski.
Členami savieta taksama stali pamočnik prezidenta pa pytańniach nacyjanalnaj biaśpieki Viktar Łukašenka, načalnik Apieratyŭna-analityčnaha centra pry prezidencie Andrej Paŭlučenka, staršynia savieta dyrektaraŭ kampanii «EPAM Sistemz» Arkadź Dobkin, advakat Dzianis Alejnikaŭ, biznesmen Dźmitryj Hurski, dyrektar kampanii «Łajt Vieł Arhanizejšn» Aleh Kandracienka, kiraŭnik «Majkrasoft Softvier Bieł» Anton Miakišaŭ i inšyja.
