U pieradačy «Hałoŭny efir» na telekanale «Biełaruś-1» vialiki repartaž byŭ pryśviečany Dekretu №7, jaki byŭ pryniaty Alaksandram Łukašenkam z metaj stymulavańnia dziełavoj inicyjatyvy.
«Hety Dekret akazaŭsia nastolki efiektyŭnym, što pryjšoŭsia daspadoby navat apazicyi. Pavieł Sieviaryniec razam z žonkaj Volhaj litaralna praz dva tydni paśla publikavańnia novaha dekreta zarehistravali IP. Jany stali handlavać majkami, kubkami, suvienirami praź internet, viešać achvotnym na vušy samarobnyja zavušnicy. Pradprymalnaja para prapanuje supracoŭnictva i inšym, naprykład, ramieśnikam. Prapanujuć pašyryć svoj asartymient knihami», — iranizavali viadučyja.
Sam Pavieł Sieviaryniec hladzić na heta nie nastolki aptymistyčna. «Mabyć, niama inšych faktaŭ pa dekrecie, kali vyrašyli zhadać Sieviaryncaŭ. Nasamreč, na afarmleńnie internet-kramy my źbirali dakumienty kala 1,5 miesiacaŭ. Usio nie tak ružova i biazvobłačna, jak padajuć na dziaržaŭnym telebačańni. Stolki ŭsialakich umovaŭ, što, mahčyma, my b i nie ŭzialisia, kab viedali ŭsio ad pačatku», — kaža Sieviaryniec.
