U Mastach vypadkovy minak vyratavaŭ dziaŭčynku, jakaja pravaliłasia pad lod na Niomanie.
Pra heta karespandentu BIEŁTA paviedamili ŭ Hrodzienskaj abłasnoj arhanizacyi Biełaruskaha respublikanskaha tavarystva vyratavańnia na vodach.
Viečaram 3 sakavika dzieci śviatkavali dzień naradžeńnia ŭ adnym z mastoŭskich kafe. Potym pajšli prahulacca ŭ rajon padviesnaha mosta praź Nioman. Dla taho kab zrabić efiektnaje fota, 11-hadovaja i 12-hadovaja siabroŭki vyjšli na lod. Lod tresnuŭ, i dziaŭčynki apynulisia ŭ vadzie. Adna ź ich była blizka da bieraha, tamu jaje za ruku vyciahnuli siabry. Druhoj ža jany dapamahčy nie mahli.
«Kryki ab dapamozie pačuŭ mužčyna. Jon u hetym čas vyhulvaŭ sabaku. Źniaŭšy łancužok z hadavanca, mužčyna vykarystaŭ jaho ŭ jakaści vyratavalnaha srodku», — raspaviali ratavalniki. Mužčyna zdoleŭ skancentravać uvahu dziaŭčynki na pavadku i vyciahnuć jaje z vady. Atrymaŭšy sihnał, dziažurnaja źmiena vyratavalnaj stancyi pa tryvozie vyjechała na miesca. Zdaroŭju dziaciej ničoha nie pahražaje.
