Fota: gomel.today
Na nierehulujemym pierajeździe niedaloka ad vioski Čyrvonaja Buda ŭ Dobrušskim rajonie ŭviečary 3 sakavika aŭtamabil trapiŭ pad ciahnik. Hetuju infarmacyju paćvierdzili BiełTA ŭ DAI Homielskaha abłvykankama.
Pavodle infarmacyi gomel.today, u aŭtamabili (miarkujučy pa fota ŭ sacsietkach, heta była «Haziel») znachodziłasia apieratyŭnaja hrupa RAUS. U mašynie znachodzilisia try milicyjaniery: adzin ź ich zahinuŭ, jašče adzin atrymaŭ surjoznyja traŭmy ŭ avaryi, jon ŭ renimacyi.
Hetuju infarmacyju paćvierdziła čytačka gomel.today, jakaja paprasiła nie nazyvać jaje imia. Pavodle jaje, u aŭtamabili było try milicyjaniery, čaćviorty byŭ zatrymanym, jakoha vieźli ŭ milicyju.
Zahinułamu milicyjanieru, paviedamili karystalniki, było 32 hady.
DTZ adbyłosia ŭ składanych umovach nadvorja: była mocnaja zavieja i słabaja bačnaść. Pryčyny i abstaviny avaryi vyśviatlajucca.
