«Hazpram» na fonie projhryšu ŭ Stakholmskim arbitražy vyrašyŭ pačać praceduru skasavańnia dziejučych kantraktaŭ na tranzit i kuplu hazu z naftahazavym chołdynham «Naftahaz Ukrainy».
«Hazprom» vymušany nieadkładna pačać praceduru skasavańnia kantraktaŭ z NAK «Naftahaz Ukrainy» na pastaŭku i tranzit hazu ŭ Stakholmskim arbitražy»,
— havorycca ŭ paviedamleńni rasijskaj kampanii.
Pa słovach kiraŭnika «Hazproma» Alaksieja Milera, rasijskaja kampanija vyrašyłasia na takija dziejańni paśla atrymańnia rašeńnia Stakholmskaha arbitražu.
«Stakholmski arbitraž, kirujučysia padvojnymi standartami, pryniaŭ asimietryčnaje rašeńnie pa kantraktach na pastaŭku i tranzit hazu z NAK «Naftahaz Ukrainy», — paviedamili ŭ «Hazpramie», dadaŭšy, što rašeńnie arbitražu istotna parušyła bałans intaresaŭ bakoŭ pa dadzienych kantraktach, a taksama zmušaje «Hazpram» vyrašać ekanamičnyja prablemy Ukrainy.
«U takoj situacyi praciah dziejańnia kantraktaŭ dla «Hazpramu» źjaŭlajecca ekanamična niemetazhodnym i niavyhadnym», — dadali ŭ pres-słužbie.
Jak viadoma, «Hazpram» 2 hady i 3 miesiacy nie pastaŭlaŭ Ukrainie haz da vyniasieńnia rašeńnia Stakholmskaha suda. Dziejańnie kantraktu zakančvajecca ŭ kancy 2019 hoda.
Pa hetym kantrakcie «Naftahaz» abaviazany vykuplać u «Hazprama» ad 4 da 5 miljardaŭ kuboŭ hazu štohod, tamu NAK i ažyćciaviŭ pieradapłatu.
28 lutaha stała viadoma, što Stakholmski arbitraž zadavoliŭ patrabavańni «Naftahaza» ab kampiensacyi za niedapastaŭlenyja «Hazpramam» abjomy hazu dla tranzitu.
Pa rašeńni Stakholmskaha arbitražu, «Naftahaz» damohsia kampiensacyi ŭ sumie 4,63 miljarda dalaraŭ za niedapastaŭki «Hazpramam» uzhodnienych abjomaŭ hazu dla tranzitu.
Pa vynikach dźviuch arbitražnych spraŭ u Stakholmie «Hazpram» pavinien zapłacić 2,56 miljarda dalaraŭ na karyść «Naftahaza».
