Eks-prezident Ukrainy Viktar Janukovič apublikavaŭ tekst zvarotu, jaki jon adrasavaŭ prezidentu Rasii Uładzimiru Pucinu ŭ sakaviku 2014 hoda. Janukovič padkreśliŭ, što ŭ im havorka išła pra ŭvod miratvorčaj misii, a nie vojskaŭ
RBK
Były prezident Ukrainy Viktar Janukovič pakazaŭ žurnalistam padčas pres-kanfierencyi ŭ Maskvie svoj zvarot 2014 hoda, adrasavany prezidentu Rasii Uładzimiru Pucinu
«Heta nie list, heta zvarot», — padkreśliŭ jon.
Jon zajaviŭ, što ŭ dakumiencie vykazana nie prośba ŭvieści vojski va Ukrainu, a havorycca pra toje, kab uvieści palicejskuju miratvorčuju misiju.
Były prezident Ukrainy taksama zajaviŭ, što «anałahičny list» byŭ nakiravany FRH, Francyi i Polščy — krainam, jakija vystupili harantami pahadnieńnia z ukrainskaj apazicyjaj 21 lutaha 2014 hoda.
«Roźnica była ŭ tym, što ŭ hetym liście ja spasyłaŭsia nie na mirnaje pahadnieńnie, jakoje było padpisana harantami troch dziaržaŭ jeŭrapiejskich, a na damovu ab družbie i ŭzajemadapamozie, jakaja była pamiž Ukrainaj i Rasijaj», — rastłumačyŭ Janukovič, adznačyŭšy, što havorka ŭ im išła ab prośbie pravieści kansultacyi pavodle pałažeńniaŭ hetaj damovy.
«I ja ŭnosiŭ prapanovu razhledzieć pytańnie padčas kansultacyj ab uviadzieńni palicejskaj miratvorčaj misii», - reziumavaŭ jon.
Žurnalistam taksama dazvolili zrabić fatahrafii dakumienta, jaki składajecca ź niekalki staronak tekstu zvarotu i asobnaha dadatku ŭ vyhladzie «zajavy» prezidenta Ukrainy.
