Na XXII zimovych Paralimpijskich hulniach u Pchiončchanie 15 biełaruskich spartsmienaŭ vystupiać u dvuch vidach sportu — bijatłonie i łyžnych honkach. Ab hetym raskazaŭ siońnia staršynia Paralimpijskaha kamiteta Biełarusi Aleh Šepiel na cyrymonii provadaŭ kamandy ŭ Minskaj haradskoj ratušy.
Ściahanoscam paralimpijskaj zbornaj Biełarusi na cyrymonii adkryćcia 9 sakavika budzie šmatrazovaja čempijonka i pryzior Paralimpijad i čempijanataŭ śvietu Ludmiła Vołčak, kapitanam kamandy stanie jašče adzin tytułavany paralimpijec Dźmitryj Łoban.
Akramia vopytnych atletaŭ, jakija buduć zmahacca za ŭznaharody, u składzie biełaruskaj družyny 6 debiutantaŭ Paralimpijskich hulniaŭ.
Ciapierašnija Paralimpijskija hulni projduć z 9 pa 18 sakavika na arenach, dzie spaborničali ŭdzielniki Alimpijady-2018..
Paralimpijcy razyhrajuć 80 kamplektaŭ uznaharod u šaści vidach sportu. Za miedali buduć vieści baraćbu kala 700 pradstaŭnikoŭ 48 alimpijskich kamand
