Dziaržava razhladaje mahčymaść prodažu akcyj kampanii «BieST» (mabilny apieratar Life). Heta pytańnie abmiarkoŭvałasia siońnia na naradzie ŭ Alaksandra Łukašenki ab pierśpiektyvach raźvićcia rynku telekamunikacyjnych pasłuh u krainie, piša BiełTA.
«Adnym z bazavych elemientaŭ, jakija ŭpłyvajuć na chutkaść, maštab infarmatyzacyi, źjaŭlajecca stan i raźvitaść infrastruktury pieradačy dadzienych. I kali pa ŭzroŭni praniknieńnia šyrokapałosnaha pravadnoha internetu Biełaruś zajmaje 21-je miesca ŭ śviecie, to mabilny siehmient telekamunikacyjnaha rynku ŭ nas pakul adstaje. Tamu siońnia nam treba hetym zajmacca. I adno z pytańniaŭ, jakoje ja chacieŭ by z vami razhledzieć pry pryniaćci rašeńnia, — pašyreńnie inviestycyjnaha supracoŭnictva z suśvietnymi lidarami ŭ hetaj śfiery», — skazaŭ Alaksandr Łukašenka.
Kiraŭnik dziaržavy zaŭvažyŭ, što nieabchodna raźvivać kankurencyju ŭ śfiery telekamunikacyj. «Choć jana ŭ nas užo jość. U nas nie adna kampanija pracuje, a dźvie bujnyja i treciaja, jakaja prosić ab padtrymcy. Razmova idzie ab pryvatyzacyi niekalkich pracentaŭ, jakija znachodziacca va ŭłasnaści dziaržavy, kampanii «BieST», — rastłumačyŭ Łukašenka.
Infahrafika — BiełTA.
