Ministerstva abarony padrychtavała papraŭki da zakona, jakija praduhledžvajuć mahčymaść paśmiarotnaha pazbaŭleńnia aficerskaha zvańnia, piša Radyjo Polšča.
Ciaham najbližejšych dvuch tydniaŭ na razhlad urada budzie nakiravany prajekt abnoŭlenaha zakona, jaki dazvolić pazbavić Vojcecha Jaruzelskaha, kiraŭnika Polščy ŭ 1981—1990 hh., hienieralskaha zvańnia.
Pra heta paviedamiła pres-sakratar polskaha ŭrada Iaana Kapcińskaja. Pavodle jaje słoŭ, pastajanny kamitet rady ministraŭ moža pačać razhlad papravak da zakona ŭžo 22 lutaha.
Zakonaprajekt, jaki padrychtavała Ministerstva abarony, praduhledžvaje mahčymaść pazbaŭleńnia aficerskaha zvańnia asob, byłych členami Vajskovaj rady nacyjanalnaha vyratavańnia ci słužyli ŭ orhanach biaśpieki PNR, u tym liku paśmiarotna.
