25-hadovaja alimpijskaja čempijonka Pchiončchana Hanna Huśkova dzielić adzin pakoj na minskaj vulicy Uschodniaj z maci i ajčymam. Siamja spadziajecca, što paŭdniovakarejski tryumf dapamoža im vyrašyć kvaternaje pytańnie.
Piać hadoŭ tamu tata Hanny sp. Andrej pamior. Mama Alena jašče raniej raźvitałasia sa sportam i ciapier pracuje ŭ adździele radyjo- i teletavaraŭ u minskim HUMie.
Paśla śmierci muža Alena Hieorhijeŭna syšłasia z Iharam Padhajskim. Ajčym raskazaŭ Radyjo Svaboda, što spabornictvy nie hladzieŭ — bajaŭsia, što «spynicca serca». Pra załaty skačok padčarki daviedaŭsia postfaktum. I nie chavaje nadziei, što kruty pavarot losu dapamoža vyrašyć, badaj, samaje nadzionnaje dla ich pytańnie.
«My ź Lenkaj paznajomilisia, pačali žyć razam, jaje dačku vychoŭvaju jak rodnuju, — kaža jon. — Usie ŭ adnym pakoi — Lena, ja, Ańka, a jašče sabaka i kot. Zaprasili budaŭnikoŭ, jany zrabili nam pieraharodku, usio jak maje być. Sama kvatera dvuchpakajovaja, ale ŭ druhim pakoi žyvie siastra Leny z mužam, to bok ciotka Hanny. A my, adpaviedna, u susiednim».
Sočym za Alimpijadaj razam z bukmiekierskaj kantoraj Marafon
