U sudzie Kamianieckaha rajona abviaścili prysud pa fakcie kradziažu bujnoj partyi jadachimikataŭ sa składa sielskahaspadarčaha pradpryjemstva, paviedamlaje BiełTA.
Złačynstva było ździejśniena ŭ noč z 30 na 31 maja 2017 hoda. Abvinavačany, jakoha sud pryznaŭ vinavatym, — hramadzianin Rasii 1994 hoda naradžeńnia.
Złamyśnik pierapiłavaŭ mietaličnyja kraty akonnaha prajomu i prakraŭsia ŭ budynak składskoha pamiaškańnia adnaho ź sielhaspradpryjemstvaŭ Kamianieckaha rajona. Adtul jon vynies srodki abarony raślin ahulnym koštam zvyš 43 tysiačy rubloŭ.
Zatym jadachimikaty jon pradaŭ žycharu Bresckaha rajona za 7 tysiač rubloŭ. U chodzie rasśledavańnia častka skradzienaj majomaści była kanfiskavana supracoŭnikami milicyi i viernuta pradpryjemstvu.
Rasijanina asudzili na 5 hadoŭ kałonii.