U iOS 12 Apple zasiarodzicca na nadziejnaści i pradukcyjnaści, ale ŭsio ž uviadzie ŭ sistemu niekalki novych funkcyj. Siarod ich, naprykład, Animoji dla iPad, jakija źjaviacca dziakujučy kamiery Face ID ŭ novaj madeli płanšeta, jakuju, jak miarkujecca, vypuściać u 2018 hodzie.
Novaja viersija iOS atrymaje nazvu Peace («Mir»). Źjavicca padtrymka ŭniviersalnych dadatkaŭ, jakija buduć pracavać na iPhone, iPad i Mac. Taksama iOS 12 atrymaje palapšeńni dla funkcyi «Nie turbavać» i redyzajn ŭbudavanych dadatkaŭ.
Buduć pierapracavanyja chatnija ekrany dla iPhone, iPad i CarPlay. Na iPad, jak paviedamlajecca, možna budzie adkryvać niekalki voknaŭ unutry adnaho dadatku i zapuskać vokny adnaho i taho ž dadatku ŭ režymie split view (režym raźmiaščeńnia niekalkich dadatkaŭ na ekranie adnačasova).
