Izrailski vajskoviec na Hałanskich vyšyniach, na miažy ź Siryjaj, 10 lutaha. Fota: Gil Eliahu. Haaretz.com
Administracyja Trampa vystupiła z padtrymkaj dziejańniaŭ Izraila, jaki napiaredadni nanios šerah avijaŭdaraŭ pa terytoryi Siryi, pieradaje RBK. Zajavu Biełaha doma cytuje Haaretz.
«Izrail — vierny sajuźnik Złučanych Štataŭ, i my padtrymlivajem jaho prava na abaronu ad siryjskaj armii i apałčencaŭ, jakich padtrymlivaje Iran, na poŭdni Siryi. My zaklikajem Iran i jaho sajuźnikaŭ spynić pravakacyjnyja dziejańni i pačać pracavać nad dasiahnieńniem miru ŭ rehijonie», — havorycca ŭ zajavie.
Raniej z padtrymkaj Tel-Aviva paśla abmienu ŭdarami pamiž Izrailem i Siryjaj vystupiŭ Dziarždep i Pientahon. Pry hetym amierykanskija vajennyja zajavili, što nie majuć dačynieńnia da incydentu.
U noč z 9 na 10 lutaha VPS Izraila źbili bieśpiłotnik, jaki parušyŭ miežy krainy. U Tel-Avivie zajavili, što jon naležaŭ Iranu i byŭ zapuščany z terytoryi Siryi. Paśla hetaha izrailskija samaloty nanieśli ŭdar pa šerahu abjektaŭ u susiedniaj dziaržavie. Ahniom u adkaz siryjskija siły SPA źbili adzin z samalotaŭ, jaki ŭdzielničaŭ u atacy, źniščalnik F-16.