Novaja śpiecyjalnaść «ekanamičnaja infarmatyka» adkryvajecca ŭ Homielskim dziaržaŭnym univiersitecie imia F.Skaryny, paviedamlaje BiełTA.
Kurs navučańnia na novaj śpiecyjalnaści ekanamičnaha fakulteta raźličany na 4 hady. Studenty projduć padrychtoŭku ŭ śfiery viadzieńnia elektronnaha biznesu, vyvučać pracesy sistemnaha, ekanamičnaha i biznes-analizu, technałohii prajektavańnia, testavańnia, ukaranieńnia i supravadžeńnia prahramnaha zabieśpiačeńnia, raspracoŭki karparatyŭnych infarmacyjnych sistem, atrymajuć navyki abhruntavańnia biźnies-płanaŭ i inviestycyjnych prajektaŭ. U prahramu kursa ŭklučana ŭ tym liku vyvučeńnie technałohii błokčejn, apieracyj z kryptavalutami.
Univiersitet budzie rychtavać śpiecyjalistaŭ dla rezidentaŭ Parku vysokich technałohij, Homielskaha technaparku i inšych bujnych kampanij. Zacikaŭlenaść u vypusknikach novaj śpiecyjalnaści vykazali ŭžo kala 30 viadučych arhanizacyj na rynku IT. Siarod ich Exadel, IBA-Gomel, EPAM Systems i inšyja.
