7 lutaha na 84-ym hodzie žyćcia pajšoŭ z žyćcia Narodny artyst Biełarusi Hienadź Michajłavič Harbuk, paviedamlaje Kupałaŭski teatr.
Hienadź Harbuk naradziŭsia 24 lipienia 1934 hoda ŭ vioscy Hłybačka Ušackaha rajona.
Jon pastupiŭ u Biełaruski teatralna-mastacki instytut na śpiecyjalnaść «Akcior dramatyčnaha teatra» (kurs narodnaha artysta BSSR Dźmitryja Arłova). Z 1958 hoda aktor pracavaŭ u teatry imia Jakuba Kołasa ŭ Viciebsku, a zatym ŭ 1962 hodzie pierajšoŭ u Kupałaŭski, dzie zastavaŭsia da kanca žyćcia.
Hledačy, jakija tolki niadaŭna pryjšli ŭ Kupałaŭski, mahli ŭbačyć jaho ŭ rolach Mikity («Viečar» Alaksieja Dudarava), Cichana Pratasavickaha («Pinskaja šlachta» Dunina-Marcinkieviča), Jeŭdakima Zacharaviča Žyhałava («Viasielle» Antona Čechava), Kučar («Nie moj» Alesia Adamoviča), Čarnuški («Ludzi na bałocie» Ivana Mieleža), Pałkoŭnika («Listapad. Andersan» Ivana Mieleža), Andreja Ściapanaviča («Kachańnie jak militaryzm» Piatra Hładzilina).
Raźvitańnie z narodnym artystam Biełarusi Hienadziem Harbukom adbudziecca 9 lutaha.