Ministr zamiežnych spraŭ Ukrainy Pavieł Klimkin zajaviŭ, što nijaki zakon nie moža ŭstanaŭlivać histaryčnuju praŭdu, bo ŭ jaje niama nacyjanalnych miežaŭ. Pra heta jon napisaŭ na svajoj staroncy ŭ tvitary, kamientujučy tak zvany «zakon pra chałakost», pryniaty ŭ Polščy.
«Histaryčnaja praŭda nie maje nacyjanalnych miežaŭ i nie ŭstanaŭlivajecca zakonami. Jana ci jość, ci jaje treba šukać. I ŭ tym, i ŭ inšym vypadku zakanadaŭčyja akty nie dapamohuć Polščy», — padkreśliŭ Klimkin.
Raniej kiraŭnik MZS Ukrainy zajaŭlaŭ, što ŭviadzieńnie termina «złačynstva ukrainskich nacyjanalistaŭ», jaki zhadvajecca ŭ zakonie, «ŭzmacniaje adnabakovyja stereatypy i pravakuje reakcyju ŭ adkaz».
0
0
0
0
0
0
