Heta nie «Jeŭrabačańnie». Ale mienavita ad tvajho hołasu zaležyć, čym budzie hanarycca kraina ŭ najbližejšaj budučyni. Z 6 pa 11 lutaha projdzie anłajn-hałasavańnie «Narodny vybar». Biełarusy vyznačać samy značny prajekt, jaki pryniaŭ udzieł u realici-šou #Paskareńnie.
U kancy listapada płatforma Talaka razam z partałam Onliner.by, kampanijaj Velcom i hrupaj kampanij Gurtam zapuścili nacyjanalny interaktyŭny konkurs u farmacie realici-šou #Paskareńnie. Z 216 prajektaŭ da narodnaha hałasavańnia, u vyniku žorstkaha adboru, dajšli tolki 40: ad sacyjalnych i haradskich da pradprymalnickich i technałahičnych.
Meta konkursu — natchnić ludziej na sumiesnaje samastojnaje rašeńnie važnych prablem, palepšyć jakaść žyćcia ŭ haradach i nasielenych punktach Biełarusi, stvaryć toje, na što źviernie ŭvahu ŭvieś śviet.
Zaraz u ciabie jość mahčymaść prahałasavać za prajekt, jaki ažyćciaŭlajecca ŭ tvaim horadzie, vyrašaje tvaju prablemu ci prosta zapalvaje i zachaplaje.
Dla ŭdziełu ŭ hałasavańni treba:
- zarehistravacca na kraŭdfandynhavaj płatformie Talaka.
- Vybrać upadabany prajekt
- Padtrymać ŭpadabany prajekt z dapamohaj kraŭdfandzinha
Minimalnaja suma ŭniosku — 3 rubli. Usie hrošy, sabranyja prajektam, zastajucca prajektu. Akramia taho, pieramožca atrymaje 2000 rubloŭ ad arhanizataraŭ konkursu.
Pieramožca vyznačajecca nie pa sabranaj sumie, a pa kolkaści ludziej, jakija padtrymali prajekt u pieryjad hałasavańnia.
«Narodny vybar» pravodzicca na ŭmovach adkrytaści, prazrystaści i zabiaśpiečvaje roŭnyja mahčymaści dla ŭsich udzielnikaŭ. Inšymi słovami, arhanizatary abviaścili vajnu botam i buduć pilna adsočvać IP, fejkavyja akaŭnty i praviedzienyja płaciažy. Pa praviłach konkursu adzin płaciožny srodak moža vykarystoŭvacca tolki dla adnaho zarehistravanaha akaŭnta.