Dziaržaŭnyja ŚMI pavinny bolš aktyŭna pracavać u internecie. Pra heta Alaksandr Łukašenka zajaviŭ pry vyrašeńni kadravych pytańniaŭ viadučych ŚMI krainy, piša BiełTA.
«Bolš aktyŭna my pavinny pracavać i ŭ internecie. Viadoma, «dastać» moładź z telefonaŭ i kampjutaraŭ i prymusić čytać hazietu ŭ nas, na žal, užo naŭrad ci atrymajecca. Ale ŭ takim vypadku tam ža, u internecie, my pavinny prapanavać im uzamien niešta cikavaje, pravilnaje, abjektyŭnaje», — miarkuje Alaksandr Łukašenka.
Na dumku kiraŭnika dziaržavy, dziaržaŭnyja ŚMI pavinny abaraniać hramadzian ad brudu ŭ suśvietnym pavucińni, jaki vylivajecca na ich, varta tolki zajści ŭ internet.
«Zadajusia pytańniem: kamu, jak nie vam - ludziam, jakija štodnia robiać naviny, jakija pra bolšaść padziej paznajuć pieršymi, - farmavać i ŭ internecie infarmacyjnuju karcinu dnia? Čakaju rašučych dziejańniaŭ i ŭ hetym kirunku», - padkreśliŭ kiraŭnik dziaržavy.
Paŭła Jakuboviča i Hienadzia Davydźku źmieniać Žuk i Ejsmant
