Były hałoŭny trenier futbalistaŭ zbornaj Biełarusi Biernd Štanhie, pry jakim nacyjanalnaja kamanda ŭ lutym 2011 hoda ŭźnimałasia na rekordnaje 36-je miesca ŭ rejtynhu FIFA, staŭ la rula zbornaj Siryi, paviedamlaje Tut.by sa spasyłkaj na Bild.
Priessboł
Z 2007-ha pa 2011 h. Štanhie byŭ hałoŭnym trenieram zbornaj Biełarusi. Pad jaho kiraŭnictvam kamanda praviała 49 matčaŭ (17 pieramoh, 14 ničyich, 18 parazaŭ).
Štanhie źjaŭlajecca rekardsmienam pa kolkaści matčaŭ u rula zbornaj Biełarusi (druhi pakazčyk u Hieorhija Kandraćjeva — 28 hulniaŭ; 9 pieramoh, 8 ničyich, 11 parazaŭ). Ale vyvieści na top-turnir biełaruskuju družynu Štanhie nie zdoleŭ.
Praz paŭtara hoda paśla sychodu z zbornaj Biełarusi Štanhie staŭ hałoŭnym trenieram zbornaj Sinhapura, jakoj kiravaŭ z maja 2013-ha pa krasavik 2016 hoda. Pad jaho kiravańniem nie zmahła prabicca na Kubak Azii i abaranić tytuł čempijona ASIEAN.
U studzieńskim rejtynhu FIFA Siryja zajmała 76-je miesca ŭ rejtynhu FIFA. Štanhie ŭžo pracavaŭ na Blizkim Uschodzie, kali treniravaŭ nacyjanalnyja kamandy Amana (2001) i Iraka (2002—2004).
14 sakavika 2018 hoda Štanhie adznačyć 70-hadovy jubilej.
