Biełaruski łyžnik Siarhiej Dalidovič, da jakoha pavinna była pierajści bronza 50-kiłamietrovaha marafona Alimpijskich hulniaŭ 2014 hoda ŭ Sočy, usio ž nie atrymaje hety miedal, paviedamlaje sport.tut.by.
1 lutaha stała viadoma, što Spartyŭny arbitražny sud (CAS) u Łazanie admianiŭ pažyćciovuju dyskvalifikacyju 28 rasijskich spartoŭcaŭ ad Alimpijskich hulniaŭ i pastanaviŭ viarnuć im miedali, zavajavanyja ŭ Sočy-2014.
Siarod tych, čyje apielacyi CAS zadavoliŭ, jość i miedalisty łyžnaj honki na 50 km na Alimpijady-2014 Alaksandr Lahkoŭ (zołata) i Maksim Vylahžanin (srebra).
Takim čynam, bronzavym pryzioram zastajecca rasijanin Illa Čarnavus, jakomu mahło trapić zołata paśla dyskvalifikacyi kalehaŭ pa kamandzie.
Narviežac Marcin Jonsrud Sundbiu, jaki moh atrymać srebra, zastaŭsia na 4-m radku, biełarus Siarhiej Dalidovič — na 5-m (heta jaho najlepšy vynik na Alimpijadach).