Biełaruś trapiła ŭ rejtynh najlepšych krain śvietu pa viersii amierykanskaha vydańnia U.S. News & World Report. Naša kraina — na 72-m miescy z 80.
Lidary śpisu — Šviejcaryja, Kanada, Hiermanija, Vialikabrytanija, Japonija, Šviecyja, Aŭstralija, ZŠA, Francyja, Niderłandy.
Va ŭsich susiedziaŭ Biełarusi, jakija trapili ŭ rejtynh, miesca vyšej: Rasija — na 26-m miescy, Polšča — na 32-m, Łatvija — na 59-m, Ukraina — na 69-m. Litvy siarod najlepšych krain 2018 hoda niama.
Krainy aceńvali pa takich pazicyjach jak tempy raźvićcia ekanomiki, adkrytaść dla biznesu, inavacyi, mahčymaści dla turyzmu, histaryčnaja spadčyna.
Pry składańni rejtynhu ŭličvali raźvitaść hramadzianskich pravoŭ, sacyjalnaj śfiery, jakaść žyćcia (najaŭnaść pracy, dobra raźvitaja sistema achovy zdaroŭja i inšyja paramietry), a taksama ŭpłyŭ krainy ŭ śviecie.
