Dacki vynachodnik Pieter Madsen ździekavaŭsia sa šviedskaj žurnalistki Kim Vał pierad tym, jak zabić jaje. Pra heta havorycca ŭ abvinavaŭčym dakumiencie, apublikavanym u aŭtorak, 23 studzienia, paviedamlaje Reuters.
Na dumku prakuroraŭ, mužčyna staranna spłanavaŭ svajo złačynstva. Jon źviazaŭ Val, kali jana była žyvaja, a zatym pačaŭ bić, rezać i kałoć jaje. Dla katavańniaŭ jon vykarystaŭ narychtavanyja zahadzia piłu, adkrutki, kavałki trub.
Dakładnaja pryčyna śmierci žurnalistki pakul nie vyznačana. Najbolš imaviernymi sposabami ličacca ŭdušeńnie i pierarazańnie horła.
Raniej u studzieni Madsenu było pradjaŭlenaje abvinavačvańnie ŭ zabojstvie Vale, a taksama ŭ złačynstvie seksualnaha charaktaru i žorstkim abychodžańni z trupam: paśla zabojstva mužčyna pasiek jaho i vykinuŭ reštki ŭ mora.
Vynachodnik admaŭlaje svaju datyčnaść da zabojstva i jakoha-kolviečy seksualnaha hvałtu. U kastryčniku 2017-ha jon zajaviŭ, što žurnalistka pamierła na padłodcy z-za atručvańnia čadnym hazam u toj čas, kali sam jon znachodziŭsia na pałubie. Madsen pryznaŭsia, što pasiek trup i pa častkach vykinuŭ cieła ŭ mora.
Val źnikła 10 žniŭnia 2017 hoda. Jana chacieła zrabić repartaž pra kanstruktarskuju dziejnaść Madsena i adpraviłasia ź im u mora na samarobnaj padłodcy «Naŭtyłus». Na nastupny dzień sudna padało sihnał biedstva. Kali ratavalniki vyjavili łodku, na joj znachodziŭsia tolki Madsen. U kastryčniku palicyja Danii znajšła hałavu i nohi dziaŭčyny, spakavanyja ŭ płastykavyja pakiety. U ich taksama lažali ciažkija kavałki mietału.
