U Pinsku miascovyja kamunalniki siońnia ŭ čas uborki śniehu z vulicy pieraščyravali, i začapiŭšy pomnik palešuku śniehaŭboračnaj technikaj, pierakulili jaho i adłamali ŭ jaho ruki, paviedamlaje Miedyja-Paleśsie.
«Palašuk» paciarpieŭ ad uborki śniehu
Pinski harvykankam tut ža pasprabavaŭ supakoić situacyju, paviedamiŭšy, što zdareńnie, sapraŭdy, mieła miesca. Skulpturu adpravili na zavod-vytvorcu dla likvidacyi paškodžańniaŭ. I ŭ bližejšy čas «Palašuk» maje viarnucca na miesca.
Ciapier na hetym miescy pusta. Fota z sacsietak
Skulpturu, jakaja adlustroŭvała zborny vobraz Pinčuka-palešuka, ustalavali ŭ pačatku piešachodnaj vulicy Lenina. Aficyjnaje adkryćcio pomnika prajšło 30 vieraśnia — u pieršy dzień śviatkavańnia 920-hodździa Pinska.
Skulpturu palubili haradžanie i turysty, mnohija ź ich fatahrafavalisia i rabili sełfi na jaje fonie
