Šturchalnik jadra zabiŭ sudździu na spabornictvach pa lohkaj atletycy ŭ Čechii. Pra heta paviedamlaje sajt Aktualne.
Trahiedyja adbyłasia ŭ lohkaatletyčnym kompleksie Prahi padčas rehijanalnych spabornictvaŭ. Šaścikiłahramovaje jadro trapiła ŭ hrudzi arbitru paśla kidka adnaho sa spartsmienaŭ, čyjo imia nie paviedamlajecca. Sudździ akazali apieratyŭnuju dapamohu, ale jon pamior nie prychodziačy ŭ prytomnaść, praz 50 chvilin paśla zdareńnia. Pryčynaj śmierci staŭ pierałom hrudnoj kletki.
Pradstaŭnik kłuba lohkaj atletyki Prahi Marcin Svobada nazvaŭ heta niaščasnym vypadkam. «Sproba była całkam standartnaj. Adzin z maładych spartsmienaŭ kinuŭ jadro, jano adlacieła preč trochi ŭ bok, dzie stajaŭ sudździa. Jon u apošni momant pasprabavaŭ zrabić krok, ale nie paśpieŭ», - skazaŭ Svobada.
