Pradstaŭniki apazicyjnych partyj tradycyjna nie trapili ŭ vybarčyja kamisii na miascovych vybarach. Čamu?
Lidzija Jarmošyna.
«Što tyčycca nieŭklučeńnia ŭ składy kamisij pradstaŭnikoŭ apazicyi, to, na maju dumku, tut niama niejkaj adnoj pryčyny. Usio zaležyć ad piersanalij, jakich vyłučali apazicyjnyja partyi, — zajaviła staršynia CVK Lidzia Jarmošyna ŭ intervju «Biełaruskaj dumcy». — I sprava nie tolki ŭ tym, nižej abo vyšej ich kvalifikacyja ŭ paraŭnańni ź inšymi. Ja nie dumaju, što apazicyja vyłučaje asob dehradavanych. U asnoŭnym heta — całkam prystojnyja ludzi, mnohija ź jakich majuć vyšejšuju adukacyju. Ale pry farmiravańni vybarčych kamisij aceńvajecca ŭ pieršuju čarhu zdolnaść pretendenta pracavać u kalektyvie. Bo vybarčaja kamisija — kalektyŭ, dzie vypiačvańnie svajho palityčnaha mierkavańnia škodzić ahulnaj spravie. Dumaju, mienavita heta akaličnaść ŭličvałasia pry ŭklučeńni pradstaŭnikoŭ apazicyjnych struktur u vybarčyja kamisii».
