Miascovaje vydańnie babruisk.by rehularna turbuje čytač. U mužčyny balić duša za biust Lenina.
Sam biust stajaŭ la ŭvachodu ŭ miascovy Dom aficeraŭ. Kali budynak addali filijału BDEU, skulpturu prybrali. Ciapier jana staić na zadnim dvary.
Biust śpisali z bałansu, jaho možna zabrać biaspłatna (praŭda, spatrebicca kran, bo vaha biusta — 400 kh). Praŭda, jon nikomu nie patrebny, achvotnych tak i nie znajšłosia.
Tym časam miascovy piensijanier, były staršyna haŭptvachty (!) Viktar Łapatčanka atakuje ŚMI, chvalujučy za los bietonnaha Illiča. Jon rehularna rassyłaje listy, nahadvajučy pra kavałak bietonu. U apošni raz piensijanier prapanoŭvaŭ addać Lenina ŭ dziciačy sadok:
«Raniej jon stajaŭ pierad budynkam, zaraz jaho pieranieśli na haspadarčy dvor i pakinuli na vulicy kala chlava. Jon nakryty anučami i moknie pad śnieham. Heta ž hańba! Lepš pieradali b jaho jakomu-niebudź dziciačamu sadku, čym tak psavać».