U adkaz na niadaŭni tvit Donalda Trampa pra toje, što jahonaja čyrvonaja knopka na pracoŭnym stale bolšaja i mahutniejšaja za takuju ž na stale lidara Paŭnočnaj Karei, fatohraf byłoha prezidenta ZŠA vykłaŭ jaje zdymak u svaim instahram-akaŭncie.
«Čyrvonaja knopka» na stale ŭ Avalnym kabiniecie Biełaha domu. Fota — Pit Sauza
«Na ščaście, čyrvonaja knopka tut nie dla taho, kab pačać vajnu, — jana vykarystoŭvajecca dla vykliku pamočnika», — padpisaŭ svoj zdymak Pit Sauza. Na paneli z prezidenckim hierbam kala jaje raźmiaščajecca tablička z nadpisam: «Ciažkija rašeńni ciažka prymać» (Hard things are hard).
Aficer, adkazny za jadzierny čamadančyk, sadzicca na amierykanski Bort numar 1. Fota — Pit Sauza.
Akramia hetaha, Sauza raźmiaściŭ zdymak sapraŭdnaha jadziernaha čamadančyka amierykanskaha prezidenta, jaki vykarystoŭvajecca dla inicyjacyi startavych kodaŭ jadziernych stratehičnych siłaŭ Złučanych Štataŭ i paŭsiul padarožničaje razam z kiraŭnikom dziaržavy.