Dyziel-elektryčny ledakoł «Illa Muramiec» prybyŭ u aŭtorak na Paŭnočny fłot RF. Ekipaž hetaha pieršaha na fłocie ledakolnaha sudna ździejśniŭ pierachod z Bałtyjskaha mora ŭ Kolski zaliŭ, paviedamlaje pres-słužba Paŭnočnaha fłotu.
Raniej ledakoł paśpiachova prajšoŭ poŭny kompleks dziaržaŭnych vyprabavańniaŭ na Bałtycy.
Dyziel-elektryčny ledakoł prajekta 21180 «Illa Muramiec» — heta šmatfunkcyjanalnaje sudna novaha pakaleńnia, pryznačanaje dla ledakolnaha zabieśpiačeńnia bazavańnia i razhortvańnia sił fłota ŭ ladovych umovach, samastojnaj pravodki karabloŭ i sudoŭ, ich buksirnaha zabieśpiačeńnia, a taksama praviadzieńnia navukova-daśledčych i hidrahrafičnych rabot.
Ledakoł byŭ zakładzieny na «Admirałciejskim vierfiach» 23 krasavika 2015 hoda, spuščany na vadu ŭ červieni 2016 hoda. Pry daŭžyni 85 mietraŭ i šyryni kala 20 mietraŭ sudna maje vodaźmiaščeńnie kala 6 tys. ton. Ledakoł maje vysokuju marachodnaść i aŭtanomnaść płavańnia, abstalavany viertalotnaj placoŭkaj.
Uračysty ŭzdym ściaha dapamožnaha fłotu na dyziel-elektryčnym ledakole «Illa Muramiec» adbyŭsia 30 listapada 2017 hoda. Hety dzień ličycca dataj aficyjnaha ŭstupleńnia sudna ŭ skład sił Paŭnočnaha fłota.
