Pratesty pačalisia z horada Miešchied na ŭschodzie Irana 28 śniežnia, raspaŭsiudzilisia na zachad i poŭdzień krainy. Jak śviedčać videa, zahružanyja ŭ Jutub, 29 i 30 śniežnia burnyja manifiestacyi prajšli ŭ dziasiatkach haradoŭ, siarod ich Kiermanšach, Chamadan, Isfachan, Rešt, Urmija, Nišapur, Dyzful, Achvaz, Bandar-Abas.
U horadzie Darud dva manifiestanty zahinuli.
Demanstranty źbirajucca praz hrupy ŭ mesendžarach, u tym liku Telehramie.
U Tehieranie pakul prajšli tolki małalikija akcyi, z udziełam pieravažna studentaŭ.
Niepasrednaj nahodaj dla pratestaŭ staŭ rost cenaŭ na bazavyja pradukty charčavańnia. Adnak na vulicach amal adrazu zahučali palityčnyja łozunhi. Demanstranty patrabujuć adstaŭki prezidenta Raŭchani.
Iran — zakrytaja kraina, isłamskaja teakratyja. U Iranie adzinaja ŭ svaim kštałcie palityčnaja sistema: adbyvajucca kankurentnyja vybary, abirajuć parłamient i prezidenta, ale kančatkovaje słova pry hetym zastajecca za šyickim duchavienstvam.
