Zasłuhoŭvaje ŭvahi toje, što ŭ Maładečnie 4 vieraśnia adbyłasia navukova‑krajaznaŭčaja kanferencyja «Šlachami Vacłava Łastoŭskaha». Natchnialnikam i nastojlivym ruchavikom jaje praviadzieńnia źjaviŭsia viadomy krajaznaŭca, litaraturavied i historyk Michaś Kazłoŭski.
Jamu ŭdałosia dabicca vielmi vysokaha ŭzroŭniu padrychtoŭki hetaj kanferencyi. I pa formie, i pa źmieście jaje biaź cieniu ironii nia hrech było b adnieści da imprezy abłasnoha ci navat respublikanskaha ŭzoru. «U kolery» dla kožnaha ŭdzielnika padrychtavany zaprašeńnie, prahramka, zbornik tezisaŭ, vielmi ž admietny źmiest zhadanych tekstaŭ.
U piatnaccaci prapanavanych vystupleńniach hłyboka i roznabakova analizujucca filazofski śvietapohlad, žyćciovy i tvorčy šlach Vacłava Łastoŭskaha, jaho značeńnie dla Biełarusi. Kožny aŭtar unosiŭ niešta svajo, admietnaje ŭ skazie pra Vłasta. Šyroka była pradstaŭlena i hieahrafija ŭdzielnikaŭ: Vilejka, Horadnia, Kreva, Maładečna, Miensk, Słonim, Smarhoń.
Mianie asabista ŭraziła ścišanaja ŭvaha zali, kancentravanaje słuchańnie vystupoŭcaŭ. Zala darečy, była pierapoŭnienaja: vučonyja, vykładčyki, nastaŭniki, studenty, navučency, pensijanery… Rabotniki biblijateki ŭsio padstaŭlali i padstaŭlali kresły dla novych prybyvajučych udzielnikaŭ….
Doŭha, pa‑sapraŭdnamu šyroka, va ŭvieś hołas nie było čuvać Vacłava Łastoŭskaha na Krevii‑Biełarusi. Dyk chaj ža jon viartajecca hodna, z pavahaj. Pamiać pra talenavitaha ideolaha adradžeńnia rodnaj ziamli, talenavitaha vučonaha i tvorcu, słynnaha syna Radzimy — spamianiom jaho čaściej!..
