Jak u kazcy: 47-hadovy złodziej z paŭnočna-zachodniaha štatu Mantana, Tresi Molins byŭ zatrymany paśla taho, jak zajšoŭ u čužy dom, pakaštavaŭ syr, jaki znajšoŭ u ladoŭni, zavitaŭ u prybiralniu i urešcie, ułahodžany, zasnuŭ na łožku ŭ dziciačym pakoi.
Haspadynia kvatery pračnułasia ad chrapu, što danosiŭsia z pakoju jaje dvuchhadovaha syna, jaki tym časam spaŭ zusim u inšym miescy - u baćkoŭskim pakoi. Žančyna adčyniła dźviery i sa ździŭleńniem zaŭvažyła baradataha daŭhavałosaha mužčynu, jaki ŭlahaŭ na synočkavym łožku. Nie baviačysia, žančyna razbudziła muža i vyklikała palicyju.
Pryspany złodziej, jaki da pryjezda patrulnaj paśpieŭ pabarukacca z haspadarom domu, byŭ abvinavačany va ŭzłomie. Ale ŭrešcie jaho vypuścili pad załoh 50 tysiač dalaraŭ, bo prakuror štatu paličyŭ, što złačyniec pavinny śpiarša atrymać psichalahičnuju kansultacyju.
PK
