Pavodle dziaržaŭnych statystykaŭ, biełarusy ŭ siarednim zarablajuć 841 rubiel. Pry hetym adnak, zarobki najbolej bahatych śpiecyjalistaŭ ažno ŭ 8 razoŭ bolšyja, čym u tych, chto zarablaje mieniej za ŭsich, paviedamlaje Tut.by.
Najbolej za ŭsich pa-raniejšamu zarablajuć śpiecyjalisty ŭ halinie infarmacyjnych technałohij i infarmacyjnaha zabieśpiačeńnia. U kastryčniku siaredni zarobak u ich składaŭ 3516 rubloŭ.
Druhoje miesca naležyć pracaŭnikam śfiery pasažyrskaha pavietranaha transparta — 2566 rubloŭ. A treciaje — u bankiraŭ i strachaŭščykoŭ — 2047 rubloŭ. Pieršuju dziasiatku top-zarobkaŭ zamykajuć pracaŭniki firm telekamunikacyi z 1348 rublami.
Dziasiatka ž najmienšych zarobkaŭ za kastryčnik taksama tradycyjnaja: cyrulniki — 426 rubloŭ, pracaŭniki śfiery sacyjalnych pasłuh — 461 rubiel, śfiera kultury, muziejaŭ i biblijatek — 471 rubiel.
Nienašmat bolej zarablajuć pradstaŭniki tvorčych prafiesij — 521, vychavaŭcy, nastaŭniki i vykładčyki — 570, pracaŭniki žyviołahadoŭli — 574, vodnaha transpartu — 586 i drobnyja administratary — 607 rubloŭ.
Naminalnaja naličanaja siaredniamiesiačnaja zarpłata ŭklučaje padachodny padatak i abaviazkovy strachavy ŭznos pracaŭnika. Ŭznosy pracadaŭcaŭ na sacyjalnaje strachavańnie rabotnikaŭ nie ŭklučajucca ŭ siaredniuju zarabotnuju płatu.
