U Minsku pad staršynstvam ministra zamiežnych spraŭ Biełarusi Uładzimira Makieja prajšło sumiesnaje pasiadžeńnie Savieta ministraŭ zamiežnych spraŭ, Savieta ministraŭ abarony, Kamiteta sakrataroŭ savietaŭ biaśpieki Arhanizacyi Damovy ab kalektyŭnaj biaśpiecy, piša Tut.by.
U sustrečy pryniali ŭdzieł ministry zamiežnych spraŭ, ministry abarony, sakratary savietaŭ biaśpieki dziaržaŭ - členaŭ ADKB, a taksama hienieralny sakratar arhanizacyi.
Uładzimir Makiej, dziaržsakratar Rady biaśpieki Stanisłaŭ Zaś i ministr abarony Andrej Raŭkoŭ
U paradak dnia, jak paviedamlaje pres-słužba MZS, byli ŭklučany pytańni, nakiravanyja na dalejšaje raźvićcio mižnarodnaj i rehijanalnaj biaśpieki, vajennaha supracoŭnictva, procidziejańnia sučasnym vyklikam i pahrozam biaśpiecy.
Uładzimir Makiej, ministr zamiežnych spraŭ Rasii Siarhiej Łaŭroŭ i kiraŭnik MZS Armienii Edvard Nałbandzian (krajni sprava)
Uładzimir Makiej adznačyŭ, što Biełaruś zadavolena realizacyjaj pryjarytetaŭ, jakija byli vyznačany biełaruskim bokam dla prasoŭvańnia ŭ chodzie staršynstva Biełarusi ŭ hod 15-hodździa stvareńnia ADKB i 25-hodździa padpisańnia Dahavora ab kalektyŭnaj biaśpiecy.
Kiraŭniki zamiežnapalityčnych viedamstvaŭ dziaržaŭ-členaŭ ADKB uzhadnili šerah dakumientaŭ, jakija pieradadzieny na razhlad kiraŭnikam dziaržaŭ na siesii Savieta kalektyŭnaj biaśpieki ADKB.
