AP
Byłaja tenisistka Jana Novatna pamierła na 50-m hodzie žyćcia. Pra heta paviedamlaje pres-słužba Žanočaj tenisnaj asacyjacyi (WTA).
U apošnija hady češskaja spartsmienka zmahałasia z rakavym zachvorvańniem.
«Jana natchniała ludziej na korcie i pa-za jaho miežami, usich, chto viedaŭ jaje, — skazaŭ vykanaŭčy dyrektar WTA Styŭ Sajman. - Jaje zorka budzie zaŭsiody jarka źziać ŭ historyi WTA. Vykazvaju spačuvańni siamji Jany».
Novatna vyjhrała Uimbłdon ŭ 1998 hodzie, jana zajmała druhoje miesca ŭ adzinočnym rejtynhu WTA i pieršaje ŭ parnym. Jana dvojčy stanaviłasia siarebranym pryzioram Alimpijady ŭ parnym razradzie i adzin raz zavajavała bronzu ŭ adzinočnym. U parnym razradzie češka 12 razoŭ była pieramožcaj turniraŭ sieryi Vialikaha šlema, u mikście — čatyry razy. U 2005 hodzie jana ŭvajšła ŭ Mižnarodnuju zału słavy tenisa.
