Ministerstva abarony Rasii apublikavała ŭ Facebook i Twitter fotazdymki, jakija nibyta paćviardžajuć zabieśpiačeńnie amierykanskimi vajskoŭcami prykryćcia bajevikoŭ «Isłamskaj dziaržavy».
U viedamstvie zajavili, što kadry zroblenyja 9 listapada sioleta rasijskimi bieśpiłotnikami ŭ rajonie horada Abu-Kamal, jaki ličycca adnym z apošnich bujnych apiryščaŭ ID u Siryi. Adnak akazałasia, što adzin sa zdymkaŭ dakładna supadaje sa skrynšotam z hulni dla smartfonaŭ AC-130 Gunship Simulator: Special Ops Squadron — simulatara kiravańnia amierykanskim samalotam ahniavoj padtrymki suchaputnych vojskaŭ Lockheed AC-130, paviedamlaje lenta.ru.
Zdymak, apublikavany na aficyjnaj staroncy Ministerstva abarony Rasii ŭ Facebook
Videazapis hiejmpłeja AC-130 Gunship Simulator: Special Ops Squadron Kadr: Byte Conveyor Studios / YouTube
«Vidosik vykładvali jašče ŭletku… Tolki majcie na ŭvazie, što data na YouTube — uvohule nie pruf», — adznačaje Telegram-kanał «Chvastun i Sonia».
Conflict Intelligence Team piša ŭ Telegram, što try inšyja malunki, vykarystanyja ŭ publikacyi Minabarony, akazalisia kadrami ź videa dziejańniaŭ VPS Iraka pad Fałudžy ŭ 2016 hodzie.
«Hetyja fakty źjaŭlajucca biassprečnym paćviardžeńniem taho, što Złučanyja Štaty, imitujučy dla suśvietnaj supolnaści nieprymirenčuju baraćbu ź mižnarodnym teraryzmam, na spravie zabiaśpiečvajuć prykryćcio bajazdolnych atradaŭ IDIŁ dla adnaŭleńnia ich bajazdolnaści, pierahrupoŭki i vykarystańnia ich u prasoŭvańni amierykanskich intaresaŭ na Blizkim Uschodzie», — dadali ŭ rasijskim vajennym viedamstvie.