Minadukacyi zaklikaje baćkoŭ padčas školnych kanikuł bolš uvažliva sačyć za dziećmi, u jakich u hetyja dni źjaŭlajecca bolš volnaha času. Pra heta BIEŁTA paviedamiła pres-sakratar Ministerstva adukacyi Ludmiła Vysockaja.
Škoły ŭ čas kanikuł pravodziać dla dziaciej šmat raznapłanavych mierapryjemstvaŭ: fizkulturna-azdaraŭlenčych, patryjatyčnych, paznavalnych. «Baćkoŭ, jaki žadajuć, kab dzieci na kanikułach pravodzili čas pa-za škołaj, my zaklikajem nie ŭchilacca ad arhanizacyi ich volnaha času i sačyć, kab jany nie apynulisia na vulicy biez nahladu», - padkreśliła Ludmiła Vysockaja.
Jak paviedamlałasia, 28 kastryčnika ŭ race Śvisłač u rajonie vulicy Daŭmana ŭ Minsku ledźvie nie patanuŭ dzieviacihadovy chłopčyk. Ciapier jon znachodzicca ŭ 2-j haradskoj dziciačaj kliničnaj balnicy, jaho stan stabilny, ciažki.
