Alaksandr Łukašenka na naradzie z kiraŭnictvam Administracyi 24 kastryčnika adznačyŭ najaŭnaść prablemnych momantaŭ z vykanalnickaj dyscyplinaj siarod dziaržsłužačych i ŭ pytańni pracy sa zvarotami hramadzian, piša BiełTA.
Dla abmierkavańnia na naradzie byli ŭniesieny niekalki błokaŭ pytańniaŭ, jakija tyčać kadravaj palityki, prestyžu, statusu dziaržaŭnaj słužby. «U vas jość prapanovy i pytańni. Ja hatovy da abmierkavańnia, — skazaŭ Alaksandr Łukašenka. - Tradycyjna my budziem abmiarkoŭvać na padobnych naradach pytańni vykanańnia daručeńniaŭ prezidenta. Ja pierš za ŭsio papiaredžvaŭ kiraŭnika Administracyi — u nas prablemy jość (nie viedaju — vialikija, małyja) — siońnia zrobim vysnovy pa vykanalnickaj i, na žal, pracoŭnaj dyscyplinie našych dziaržsłužačych. Ja prasiŭ pravieryć hetyja pytańni i siońnia paviedamić».
Pavodle słoŭ Łukašenki, jašče adna tema narady — jakaść pracy sa zvarotami hramadzian, pra što raniej davalisia adpaviednyja daručeńni.
«Nam treba niejkuju narmalnuju formu vypracavać u rabocie sa zvarotami hramadzian. Usie ciahniecca z savieckich časoŭ: chtości napisaŭ u Administracyju prezidenta abo na imia prezidenta, chtości skardzicca na miascovyja orhany ŭłady, a my tudy adpraŭlajem dla razhladu hetyja skarhi i zajavy. Patok niepatrebnaj infarmacyi, płacim za heta hrošy, pošta niasie ich tudy hetyja listy, potym jany vam dasyłajuć nazad. A jašče i fieldjehierskuju suviaź vykarystoŭvajem niatannuju. Čas hetamu pakłaści kaniec, i ja paprasiŭ, kab tut byli ŭniesieny kankretnyja prapanovy», — padkreśliŭ jon.
Alaksandr Łukašenka adznačyŭ, što takija narady z kiraŭnictvam Administracyi prezidenta buduć nasić tradycyjny charaktar i pravodzicca prykładna raz na dva miesiacy. Na mierapryjemstva taksama byli zaprošanyja dziaržsakratar Rady Biaśpieki Stanisłaŭ Zaś i kiraŭnik spraŭ prezidenta Viktar Šejman.
Łukašenka padkreśliŭ, što na padobnych naradach chacieŭ by słuchać nie samaspravazdačy ad ich udzielnikaŭ, a ŭ pieršuju čarhu abmiarkoŭvać aktualnyja pytańni, jakija patrabujuć rašeńnia na ŭzroŭni kiraŭnika dziaržavy.
«Ja chacieŭ by pabudavać rabotu tak, kab nie było takoha mierkavańnia, što niemahčyma da prezidenta naŭprost danieści rašeńnie tych ci inšych pytańniaŭ abo pastavić naŭprost pierad im pytańnie. Kali łaska, voś forma raboty. Prytym vy tut inicyjatary. Kali takich pytańniaŭ jość mnostva, my možam čaściej pravodzić hetyja sustrečy», — skazaŭ jon.
Razam z tym Alaksandr Łukašenka zaŭvažyŭ, što i pa-za farmatam narady luby jaje ŭdzielnik moža ŭ luby čas dałažyć prezidentu toje ci inšaje pytańnie, što i adbyvajecca ŭ rečaisnaści. «Tym nie mienš takija narady dazvalajuć kankretyzavać niejkija napramki dziejnaści i pryniać adpaviednyja miery», — adznačyŭ kiraŭnik dziaržavy.
«I papiaredžvaju ŭsich, što rašeńni, jakija my prymajem tut (chaj navat nie farmalizavanyja, a vusnyja maje rašeńni), pavinny biezumoŭna vykonvacca. Zamusolvać pytańni ci chavać ich u doŭhuju skryniu, pad sukno pakłaści nie atrymajecca. Tym bolš što siońnia nam treba vyznačycca pa najsurjoznych napramkach našaj pracy. Nu i, viadoma, hučnyja pytańni. Heta taksama tyja prablemy, jakija my pavinny siońnia razhladać», — reziumavaŭ Alaksandr Łukašenka.
