U Biełarusi pašyrany mahčymaści anłajn-dostupu da asabistych kredytnych spravazdač, dakładvaje Nacbank. Ciapier fizičnyja asoby — klijenty ŭsich biełaruskich bankaŭ — mohuć samastojna atrymać svaju kredytnuju spravazdaču ŭ režymie anłajn. Takaja mahčymaść źjaviłasia ŭ suviazi z paśladoŭnym pašyreńniem funkcyjanału veb-partała kredytnaha rehistra i jaho ŭzajemadziejańnia ź mižbankaŭskaj sistemaj identyfikacyi (MSI). Raniej dadzienaja pasłuha była dastupnaja dla klijentaŭ tolki adnaho banka.
Rehistracyja ŭ MSI dazvalaje prajści identyfikacyju na veb-partale kredytnaha rehistra dla atrymańnia asabistaj kredytnaj spravazdačy. Rehistracyja ŭ MSI ažyćciaŭlajecca praz AIS «Raźlik» (ARIP) biez vypłaty jakich-niebudź kamisij abo ŭznaharod. U adpaviednaści z zakanadaŭstvam asabistaja kredytnaja spravazdača pradastaŭlajecca biaspłatna adzin raz na praciahu kalandarnaha hoda i nieabmiežavanuju kolkaść razoŭ — za ŭznaharodžańnie.
