22 kastryčnika ŭ Daniecku prajšła impreza «Paet biełaruskaj ziamli». Jaho arhanizatarami byli tavarystva biełarusaŭ «Nioman» pry padtrymcy Ministerstva kultury «DNR».
Mierapryjemstva prachodziła ŭ Danieckaj nacyjanalnaj biblijatecy imia Nadziei Krupskaj. Siarod tych, chto pryjšoŭ na pastanoŭku byŭ deputat «narodnaj rady DNR» Viktar Niejer. Da 2014 hoda Niejer pracavaŭ miechanikam učastka kampanii «Vada Danbasa». Potym jon padtrymaŭ bajevikoŭ, jakija damahalisia adździaleńnia Danbasa ad Ukrainy, u vyniku čaho staŭ deputatam.
Heta nie pieršaja padobnaja impreza, jakuju ładziać u akupavanym Daniecku pradstaŭniki tavarystva «Nioman». Raniejšyja mierapryjemstvy byli pryśviečanyja Uładzimiru Mulavinu, 500-hodździu biełaruskaha knihadrukavańnia, Dniu jadnańnia Biełarusi i Rasii.
