Dniom 20 kastryčnika z bałkona doma na vulicy Jasienina ŭ Minsku mužčyna vykinuŭ sabaku. Da hetaha jon źbiŭ žyviołu, paviedamili TUT.BY čytačy. Infarmacyju paćvierdzili ŭ milicyi. 29-hadovaha mužčynu zatrymali.
«U minułuju piatnicu mužčyna 1988 hoda naradžeńnia (raniej sudzimy za rabavańnie) u mocnym padpitku pryjšoŭ da siabroŭki, vyvieŭ jaje sabaku na leśvičnuju placoŭku i staŭ źbivać: uzdymaŭ na rukach vyšej za hałavu i kidaŭ na padłohu. Kali na placoŭku vyjšła susiedka i sprabavała abaranić sabaku, jon kinuŭsia da žančyny. Ale žančyna paśpieła schavacca ŭ svajoj kvatery. Zatym mužčyna zanios sabaku na ahulny bałkon i skinuŭ uniz», — paviedamili ŭ HUUS Minharvykankama.
Jak sabaka ŭpaŭ z vyšyni, bačyła žančyna, jakaja siadzieła la padjezda. Žyvioła pamierła na miescy ad atrymanych traŭmaŭ.
Susiedzi vyklikali milicyju. Pravaachoŭniki zatrymali mužčynu i dastavili ŭ Maskoŭskaje RUUS. Składzieny pratakoł pa 17.1 (Drobnaje chulihanstva) KoAP, paśla čaho zatrymanaha dastavili ŭ Centr izalacyi pravaparušalnikaŭ. Rajonnym adździełam śledčaha kamiteta Maskoŭskaha rajona Minska pravodzicca dalejšaja pravierka.
