Pra heta paviedamiła karespandentu BiełTA aficyjny pradstaŭnik Śledčaha kamiteta Julija Hančarova. Śledčyja 13 kastryčnika infarmavali, što siaržant B. i małodšy siaržant S. vajskovaj čaści, dzie słužyŭ Alaksandr Koržyč, byli pryznanyja padazravanymi pa spravie, uzbudžanaj pa č.3 st.443 KK.
Było pryniata rašeńnie i ab pačatku kryminalnaj spravy ŭ dačynieńni da staršyny roty - praparščyka. Jon prosta skarystaŭsia davieram sałdata i z pačatku lipienia pa 25 vieraśnia vykraŭ ź jaho bankaŭskaj apłatnaj karty hrošy na sumu nie mienš Br180. I bieź viedama ŭładalnika raspłačvaŭsia ŭ kramach i kaviarniach u Barysavie. Jaho dziejańni kvalifikavanyja pa č.2 art.209 KK Biełarusi.
Jaho zatrymańnie ŭ jakaści padazravanaha taksama płanavałasia.
Jak raniej paviedamlałasia, cieła sałdata, jaki prachodziŭ terminovuju słužbu z traŭnia, było vyjaŭlena 3 kastryčnika ŭ padvalnym pamiaškańni adnaho z budynkaŭ na terytoryi vajskovaj častki ŭ Barysaŭskim rajonie.
Kryminalnaja sprava pa fakcie hibieli vajskoŭca była raspačataja ŭpraŭleńniem Śledčaha kamiteta pa Minskaj vobłaści. Spravu raspačali pa prykmietach składu złačynstva pa č.3 st.443 KK Biełarusi (parušeńnie statutnych praviłaŭ uzajemaadnosin pamiž asobami, na jakich raspaŭsiudžvajecca status vajennasłužačaha, pry adsutnaści adnosin padparadkavanaści, što paciahnuła ciažkija nastupstvy).
