Paśla 2022 hoda Polšča choča stać całkam niezaležnaj ad rasijskaha pryrodnaha hazu. Takuju zajavu zrabiŭ u zaviaršeńnie svajho vizitu ŭ ZŠA ministr zamiežnych spraŭ Polščy Vitald Vaščykoŭski, paviedamlaje Radyjo Polšča.
Pavodle jaho słoŭ, Varšava moža nie padoŭžyć kantrakt z Rasijaj, padpisany byłym ministram ekanomiki Valdemaram Paŭlakam u 2010 hodzie:
«My imkniomsia da taho, kab da 2022 hoda mieć mahčymaść impartavać haz ź inšych, palityčna biaśpiečnych krynic, što dazvolić nam paźbiehnuć palityčna matyvavanych dziejańniaŭ Rasii, jakija mieli miesca, naprykład, u dačynieńni da Ukrainy ci Biełarusi. Čakajecca, što budzie pašyrany terminał zvadkavanaha hazu ŭ Śvinavujści, a taksama budzie prasoŭvacca prajekt Baltic Pipe».
Na dumku kiraŭnika MZS Polščy, polski ŭrad u stanie vykanać usie terminy, źviazanyja z admovaj Polščy ad rasijskich hazavych pastavak.
