Nadzvyčajnaje zdareńnie ŭ cyrku-šapito Sirius u Zasłaŭi. Abvaliłasia častka hladackich trybun.
Zdareńnie adbyłosia pierad pačatkam vystupu, pry rassadžvańnia hledačoŭ, raspaviała padrabiaznaści mastacki kiraŭnik cyrka Volha. Pieršyja hledačy zajšli ŭ namiot i stali rassadžvacca, kali niekalki trybun pakasilisia i skłalisia jak kartačny domik.
Dostup astatnich hledačoŭ byŭ apieratyŭna spynieny.
Na miesca nadzvyčajnaha zdareńnia prybyli supracoŭniki MNS i chutkaj dapamohi. Jak paviedamiła aficyjny pradstaŭnik Minskaha abłasnoha ŭpraŭleńnia MNS Anastasija Švajbovič, dapamoha ratavalnikaŭ nie spatrebiłasia.
Paciarpiełyja — dvoje dziaciej i čaćviora darosłych - byli dastaŭleny ŭ Minskuju abłasnuju balnicu. Paśla ahladu 8-hadovuju dziaŭčynku i 12-hadovaha chłopčyka adpuścili dadomu. Dvoje darosłych taksama admovilisia ad špitalizacyi.
U balnicy zastavalisia 62-hadovaja žančyna i ciažarnaja žančyna. Pa słovach Volhi, paźniej jany taksama byli adpuščanyja dadomu.
Pryčyny zdareńnia ŭstanaŭlivajucca.
