CVK zadavoliła 5 skarhaŭ z 30-ci. Kamisija pakidała biezalternatyŭnymi akruhi, u jakich akruhovyja kamisii paźnimali adzinych supiernikaŭ pradstaŭnikoŭ ułady.
Centralnaja vybarčaja kamisija razhledzieła skarhi 30 niezarehistravanych kandydataŭ z rehijonaŭ u deputaty pałaty pradstaŭnikoŭ čaćviortaha sklikańnia. Ź ich CVK zadavoliła tolki 5. 24-m pretendentam na deputackija mandaty dali admoŭny adkaz. Jašče adnu skarhu dadatkova razhledziać u čaćvier.
Siarod 30 byli i niezarehistravanyja kandydaty z adzinaha śpisu Abjadnanych demakratyčnych siłaŭ. Skarhu dvuch ź ich – pradprymalnicy Iryny Jaskievič i čalca Partyi kamunistaŭ Biełaruskaj Michaiła Sielivonca zadavolili.
Spadarynia Iryna dakazała, što ŭ akruhovaj kamisii pamylilisia, kali ličyli podpisy. A kiraŭniki akruhovaj kamisii, dzie budzie balatavacca Michaił Sielivoniec, nie pradstavili dakumentalnych dokazaŭ, što, nibyta, podpisy za jaho źbirali dva roznyja siabry inicyjatyŭnaj hrupy pad adnym proźviščam.
A voś dokazy jašče 8 pretendentaŭ z adzinaha śpisu nie zadavolili. Siarod ich Siarhiej Sałaš, Ivan Kruk dy inšyja.
Pavodle siońniašniaha rašeńnia CVK kandydatami ŭ deputaty staŭ taksama žurnalist Anatol Bukas.
U čaćvier Centravybarkam razhledzić skarhi niezarehistravanych kandydataŭ ź mienskich vybarnych akruhaŭ. Ich nabrałasia 20.
Źviarnuła ŭvahu, što CVK paciaviardžaŭ źniaćcio, pakidaŭ biezalternatyŭnymi akruhi, u jakich akruhovyja kamisii paźnimali adzinych supiernikaŭ pradstaŭnikoŭ ułady. Tak, niby jość niejki palityčny zakaz, kab istotnaja častka akruhaŭ akazalisia biezalternatyŭnymi.
