Navinka adroźnivajecca ad zvyčajnych zamkoŭ najaŭnaściu šerahu elektronnych modulaŭ, jakija robiać jaho sapraŭdy «razumnym». Dla taho, kab adkryć dźviery, karystalniku dosyć padyjści da dźviarej, nie zabyŭšysia papiarednie ŭklučyć Bluetooth. Aŭtentyfikacyja adbyvajecca biez uvodu łohinaŭ i parolaŭ. Kali ž smartfon razradziŭsia, na dapamohu pryjdzie čatyrochznačny pin-kod.
Jašče adna asablivaść Otto Lock — minijaciurnaść. Raspracoŭka startapa ŭ dva razy mienšaja za inšyja elektronnyja zamki. U «razumnym» zamku, akramia Bluetooth-modula, jość i Wi-Fi dla mahčymaści dystancyjnaha kiravańnia (naprykład, kali vy znachodziciesia daloka ad doma, z dapamohaj svajho smartfona vy zmožacie adčynić dźviery kamuści z svajoj siamji, chto zabyŭsia klučy).
Aŭtanomnaść pryłady na uzroŭni — 3-4 miesiacy bieśpierabojnaje pracy ad dźviuch batarejek CR123. Jość u zamku i reziervovy akumulatar, jaki ŭklučajecca aŭtamatyčna pry razradcy batarejek.
Košt Otto Lock składaje $700. Pa ŭmovach abmiežavanaj pa časie akcyi, ciapier zamok ustaloŭvajuć biaspłatna. U dalejšym pakupnikam treba budzie zapłacić jašče $150 za ŭstanoŭku.
