Z ulotki «Biełaruskaj salidarnaści»:
«Tamu, što heta nia jość vybary na karyść Biełarusi. Tamu što, hałasujučy na falšyvych vybarach, ad vybarščyka nie zaležyć vynik hałasavańnia. Tamu što prychod ludziej na niedemakratyčnaje hałasavańnie skarystajuć dla falsifikacyi.
Ciapier kožny moža paznajomicca z kandydatami ŭ pałatu pa svajoj akruzie i ŭbačyć, što ŭ pieravažnaj bolšaści kandydatami vyłučany prarasiejska nastrojenyja ludzi. Režym svajoj «falš-mašynaj» zaćvierdzić deputatami mienavita hetych ludziej. Takija «deputaty» dźviuma rukami prahałasujuć za ŭviadzieńnie rasiejskich vojskaŭ i rakietaŭ u Biełaruś (užo zajaŭlena, što hetaj vosieńniu budzie stvorana na Biełarusi adzinaja z Rasiejaj suproćpavietrannaja abarona). Prahałasujuć i za padvojnaje hramadzianstva. Rasiejski mafijozny kryminał, nabyŭšy biełaruskaje hramadzianstva, budzie pačuvać siabie haspadarom, a Kreml budzie kazać, što ŭviadzieńnie vojskaŭ na Biełaruś zroblena dla abarony hramadzianaŭ Rasiei.
Kali b tolki Maskvie ŭdałosia zadumanaje ŭ Biełarusi, jana adrazu pačnie ataku na Ukrainu. Z Ukrainaj biez haračaj vajny nie abydziecca. Niama sumnievu, što rasiejcy nakirujuć samaloty i rakiety na Ukrainu ź Biełarusi i padstaviać pad udar Biełaruś, jaje ludziej i terytoryju. Pad Rasiejaj, ci ŭ «sajuzie» z Rasiejaj zaŭsiody budzieš u vajnie, prytym na piarednim froncie.
Voś čamu nielha supracoŭničać z pramaskoŭskim režymam i ŭdzielničać u jaho falšyvych vybarach. Kali ludzi nia pojduć na vybary, pałata budzie niezakonnaj, nielehitymnaj. Usie jaje rašeńni buduć niezakonnymi i zastaniecca lepšaja perspektyva zmahańnia z akupacyjaj.
Nichto na falšyvyja vybary!»
* * *
«Biełaruskaja Salidarnaść» — inicyjatyva ŭ padtrymku KCHP-BNF.
