Reuters.com
Rada dyrektaraŭ Uber abrała novaha kiraŭnika kampanii. Im staŭ Dara Chasraŭšachi, jaki zajmaŭ da hetaha pasadu hienieralnaha dyrektara anłajn-turapieratara Expedia. Pra heta piša The New York Times sa spasyłkaj na krynicy, znajomyja ź situacyjaj.
Pa infarmacyi vydańnia, u jakaści kandydataŭ na pasadu CEO kampanii Uber razhladalisia taksama były kiraŭnik General Electric Džefry Imielt i hiendyrektar Hewlett Packard Marharet Uitmen.
Aficyjnych kamientaroŭ z boku Uber pakul nie pastupała.
Raniejšy kiraŭnik Uber Trevis Kałanik, jaki taksama źjaŭlajecca zasnavalnikam kampanii, pakinuŭ svaju pasadu 20 červienia. Rašeńnie było pryniata paśla patrabavańnia inviestaraŭ, jakija nakiravali jamu adpaviedny list, na fonie niekalkich hučnych skandałaŭ vakoł kampanii, u tym liku źviazanych ź imiem Kałanika.
