Dziaržaŭnaja pamiežnaja słužba admović Michaiłu Saakašvili ŭ pierasiačeńni ŭkrainskaj miažy, kali toj prybudzie ŭ punkt propusku. Pra heta «Ukrainskaj praŭdzie» paviedamiŭ pradstaŭnik pamiežnikaŭ Aleh Słabadzian, kamientujučy namiery Saakašvili viarnucca.
«Kali miažu pierasiakaje čałaviek, u jakoha nie dziejničaje dakumient, to adpaviedna taki dakumient adbirajecca, a takomu čałavieku admaŭlajuć u pierasiačeńni miažy», — skazaŭ Słabadzian.
Jon udakładniŭ, što kali prypyniajecca hramadzianstva Ukrainy, to i pašpart adpaviednaha hramadzianina Ukrainy hublaje siłu.
Napiaredadni były prezident Hruzii, eks-kiraŭnik Adeskaj abłdziaržadministracyi Saakašvili zajaviŭ, što 10 vieraśnia prybudzie z Polščy na miažu Ukrainy i praz punkt propusku «Krakaviec» (Lvoŭskaja vobłaść) pasprabuje trapić va Ukrainu.
