Prezident Turcyi Redžep Taip Erdahan zajaviŭ ab padpisańni z Rasijaj pahadnieńnia ab kupli rakietnych kompleksaŭ S-400, paviedamlaje UP sa spasyłkaj na Hurriyet Daily News.
«My ažyćciavili kroki pa hetym pytańni z Rasijaj. Zaklučanyja pahadnieńni. Z božaj dapamohaj, my ŭbačym rakiety S-400 u našaj krainie i budziem sumiesna vyrablać ich», — skazaŭ Erdahan padčas vystupu ŭ parłamiencie ŭ aŭtorak.
Nahadajem, raniej u ŚMI źjaviłasia infarmacyja, što Turcyja pahadziłasia zapłacić $2,5 młrd za nabyćcio rasijskaj sistemy supraćrakietnaj abarony S-400.
Papiaredniaje pahadnieńnie praduhledžvaje, što Turcyja atrymaje dźvie batarei S-400 ad Rasii na praciahu nastupnaha hoda, a zatym vypuścić jašče dźvie ŭ Turcyi.
Turcyja raniej dasiahnuła damoŭlenaści ab kupli sistemy supraćrakietnaj abarony ŭ Kitai, ale vymušanaja była admovicca ad jaje z-za niezadavolenaści NATA.
ZRK S-400 «Tryumf» pryznačany dla paražeńnia na dalokaj i siaredniaj dystancyi ŭsich sučasnych i pierśpiektyŭnych srodkaŭ pavietranaha napadu, u tym liku stratehičnyja bambaviki, taktyčnyja balistyčnyja i kryłatyja rakiety, zvyšhukavyja celi.
